Opoe
Age Van Der Velde
Der is n vraauwtje in mien leven
Woar ik zorg veur droag
Ondertied is ze negenteg joar
Toentjen dut ze groag
In vrougertied was t leven van heur
Nait aaltied zunneschien
Oorlogen, aarmou, kinder kwiet
Noast vreugd ook hail veul pien
refr.:
Twijmoal in week bie opoe laangs
k Goa voaker as ik kin
Twijmoal in week is noeit te voak
k Bin bliede as k der bin
Ik kiek heur aan as ze in stoule zit
En zai n zaacht geloat
n Laag, mor sums komt ook n troan
As t over vrouger goat
Sitrountje sukker elke dag
Dat roak je aan heur wel kwiet
Heupen en knijen dij binnen zo zo
Mor t koppie nog bie de tied
refr.
Wiedkieker aan, kraant op schoot
Heur ogen valen sums even dicht
Ze zit din rechtop in heur stoul
n Glimlaag op t gezicht
Ik hoop dat ik nog tieden laank
Bie opoe laangs mag goan
Ik wil der nou al wel weer hin
Al kom k der net vandoan
refr.
Comentários
Envie dúvidas, explicações e curiosidades sobre a letra
Faça parte dessa comunidade
Tire dúvidas sobre idiomas, interaja com outros fãs de Age Van Der Velde e vá além da letra da música.
Conheça o Letras AcademyConfira nosso guia de uso para deixar comentários.
Enviar para a central de dúvidas?
Dúvidas enviadas podem receber respostas de professores e alunos da plataforma.
Fixe este conteúdo com a aula: